Comezan as miñas “vacacións con traballo” en Nicaragua

En 24 horas comezan as miñas “vacacións con traballo” e saio rumbo a Nicaragua. Levo tanto tempo falando do tema que moita xente pensa que estou de volta pero aínda non marchei. Neste blog  compartirei a experiencia  para tentar achegar a realidade tanto da zona como do proxecto no que o Fondo Galego de Cooperación e Solidaridade colabora co INPRHU de Somoto.

Aínda que escribo en primeira persoa formo parte dun proxecto colectivo onde o máis importante e fortalecer os lazos de cooperación cos países do “sur”, neste caso Nicaragua, e traballar pola mellora das condicións de vida dos seus habitantes. No meu blog  comentei as primeiras impresións depois de coñecer a selección para esta viaxe pero o importante comeza mañá.

Subirei ao avión ilusionado e cargado de preguntas pero sobre todo agradecido ás persoas e institucións que me animaron a pasar as vacacións dun modo distinto e fixeron posible que forme parte deste gran proxecto.

Comeza a aventura. Comeza o relato dunha historia na que farei moitas cousas por primeira vez.

P. D. sorte a Chus na suas vacacións en Cabo Verde

Emilio Cuíñas

Acerca de autoxiro

dando voltas e máis voltas

Ver todos os artigos de autoxiro →